Det Norske Teatret inviterer til en samtale mellom Toufoul Abou-Hodeib og Mia Habib før forestillingen Gjenferdet inn.
Når: 12. mars klokken 12:00
Hvor: Det norske Teatret, Scene 3
Arrangementet er gratis og åpent for alle, men du må hente ut gratisbillett. Hent ut billett her.
Fra Det Norske Teatrets nettsider:
Kva rolle kan kunsten spele i den palestinske frigjeringskampen? Velkommen til ein samtale med Toufoul Abou-Hodeib og Mia Habib før framsyninga Gjenferdet inn.
Det er ein lang palestinsk tradisjon for å bruke kunst og kultur som motstand: måleri, musikk, dikt, litteratur, teater og kulturarv.
Kunstnarar og forfattarar har spelt ei viktig rolle for palestinarane si forståing av seg sjølv. Dette har gjennom mange tiår gitt uttrykk for ein palestinsk identitet som utfordrar geografisk fragmentering, undertrykking under okkupasjon og eksil.
Resultatet er eit rikt symbolsk og visuelt språk, der kjende diktstrofer blir gjentatt av både unge og gamle, og trykk av ikoniske måleri prydar palestinske heimar både i diasporaen og i flyktningleirar.
I samtalen møter du Toufoul Abou-Hodeib, professor i historie ved Universitetet i Oslo, og Mia Habib, ein av initiativtakarane til og styreleiar for Jødiske stemmer for rettferdig fred. Ho er også koreograf og dansar, og påtroppande teatersjef ved Carte Blanche, Noregs nasjonale kompani for samtidsdans.
Denne samtalen ser nærare på forholdet mellom kunst og politikk, og korleis kunst og kultur kan vera ei form for motstand og utfordra makt. Arrangementet er eit samarbeid mellom Det Norske Teatret og «Makt – Humaniorafestivalen 2026», og vil vera ein del av teateret sitt Palestinaprogram i samband med framsyninga Gjenferdet inn.
Les mer og reserver billetter til samtale og forestilling her.
